O venres, 26 de abril, ás 19 horas, inaugúrase en Cambados a exposición fotográfica Atlánticas, de Adrián Baúlde.
Unha mostra que puido visitarse no Museo do Pobo Galego entre os meses de xuño e novembro de 2023, e que agora poderá verse no Pazo Torrado da vila cambadesa.
Trátase dunha reflexión sobre o papel da muller no mercado laboral, desde os sectores con maior presenza feminina ata aqueloutros tradicionalmente masculinizados.
Na exposición, organizada polo Concello de Cambados e o Museo, colaboran a Xunta de Galicia, a Deputación da Coruña e a Deputación de Pontevedra.