Santiago de Compostela, 23 de setembro de 2020. O Departamento de Educación e Acción Cultural do Museo do Pobo Galego organiza para o vindeiro mércores 30 de setembro un curso gratuíto e en liña para implentar e poñer en práctica a guía Activando a memoria desde o Museo do Pobo Galego. O folclore como recurso na estimulación cognitiva que o DEAC elaborou xunto coa asociación AGADEA no ano 2016.
Neste curso online, impartido por Beatriz Rey (terapeuta ocupacional e enfermeira) e Carme Campo (educadora do Museo do Pobo Galego), ambas coautoras da guía, explicarán a organización e funcionamento deste manual a través de diferentes exercicios prácticos. Esta guía inclúe prácticas que traballan a estimulación de persoas con deterioro cognitivo con recursos do folclore (como o baile, a música, a oralidade ou as celebracións tradicionais).
O curso, que terá lugar de 19h a 20h da tarde, está dirixido principalmente a familiares con persoas con diferentes grados de demencia e alzheimer ao seu cargo; para terapeutas ocupacionais, estudantes do ámbito sociosanitario e persoas que traballen en envellecemento activo. Entre as finalidades do curso está a de facilitar materiais para que as coidadoras poidan traballar cognitivamente coas persoas maiores na casa desde as súas costumes e vivenzas, ofrecer recursos gratuítos e en liña adaptados á idade e á cultura das persoas utilitarias e a visibilización do potencial que ofrecen os recursos do patrimonio.
Para asistir en liña ao curso na plataforma Zoom será preciso inscribirse no correo electrónico do DEAC: servizosdeac@museodopobo.gal, unha vez anotado enviarase máis información sobre os contidos e a forma de acceso ao mesmo.
De martes a sábado:
11:00 - 18:00 horas
Domingos e festivos:
11 - 14 horas
LUNS PECHADO
24 e 31 de decembro, 5 de xaneiro: 11 - 14 horas
Peche anual:
1 de xaneiro (Aninovo) e
25 de decembro (Nadal)
Entrada ordinaria:
4 euros
Entrada reducida:
1,50 euro (maiores de 65 anos, estudantes maiores de 18 anos)
Entrada gratuíta:
socios do Museo (acompañantes 3 euros), estudantes menores de 18 anos e traballadores no paro
Grupos a partir de 6 persoas:
3 euros por persoa
Visita a exposicións temporais:
gratuíta
Entrada libre:
Domingos
18 de maio (Día dos Museos)
25 de xullo
29 de outubro (aniversario do MPG)
C/ San Domingos de Bonaval,
15703, Santiago de Compostela.
tel. 981-583620 / fax 981-554840
email: info@museodopobo.gal
Existe a posibilidade de organizar visitas para grupos previo contacto
Para poder visualizar a visita virtual é necesario ter instalado:
· QuickTime. 
Descarga
