Exposición: Ons Soa. Fotografías de Paula Ballesteros-Arias. Prorrogada ata domingo 20 de xuño. 20-06-2021

Ons, anaco de terra fóra do continente. Esta exposición é un relato persoal de longo percorrido. A maior parte deste material procede do traballo de investigación feito entre o 2009 e 2013 pero tomo como referencia as miñas estancias na illa dende finais dos 80 ata o 2016. De como aqueles primeiros días condicionaron os sucesivos; unha viaxe de ida e volta. A visión como etnógrafa, turista e espectadora permitiume entender que a paisaxe é o que miras pero tamén o que sentes e o que escoitas. Ons é un contraste permanente. É salvaxe, íntima e doméstica. Labrega e mariñeira. É monte e tamén leira. Cantil e praia. É nasa e piorno. Mar de náufragos e aparecidos. Illa habitada e tamén... deshabitada. Ás veces, sentes a sensación de voltar a outro lugar. Camiñar por Ons soa. E é un convite para escoitala. Sons permanentes, estábeis no tempo, recoñecíbeis como as gaivotas e a marea. E sons efémeros, que no momento que se producen están a desaparecer. Isolina lavando, conversas con Pepe, Esther, Chefa ou Lola, o son da música na noite, o silencio que non existe. A miña gravadora é memoria do son. Ons resoa.

Descarga - PDF - Kb

DÍA INTERNACIONAL DOS MUSEOS 2021. 18-05-2021

O Museo do Pobo Galego presenta unha programación especial para celebrar o Día Internacional dos Museos, na semana de martes 18 a domingo 23 de maio. Entre as actividades previstas, unha conversa entre directores e directoras de museos galegos sobre a situación destas entidades tras a chegada da pandemia; un espectáculo de títeres para público familiar; visitas comentadas á exposición Ons Soa; ou unha xornada de portas abertas con entrada de balde o mesmo 18 de maio. Ademais, como todos os anos desde 2013, a entidade colabora con outros museos da cidade de Santiago -CGAC, Museo de Historia Natural, Casa da Troia, Fundación Granell, Museo Pedagóxico de Galicia, Museo da Catedral e Museo das Peregrinacións- na celebración e difusión conxunta das actividades en torno ao DIM.

Descarga - PDF - 22Kb

Exposición: 16º premio de fotografia Xurxo Lobato (ata o 4 de xullo). 02-06-2021

Organizado pola Asociacion de Amigos do Instituto de Monelos. Antón Freire Barcia recibe o 16º premio de fotografía Xurxo Lobato, coas fotos “Mo-vimiento y siluetas” (alumno do EISV, escola de imaxe e son de Vigo). Nesta edición presentáronse 149 alumnos/as de 29 centros de ensino de 15 ciudades e vilas de Galicia, con mais de 440 fotos. No acto de entrega participou o concelleiro de educacion do concello da Coruña, Jesus Celemín, a representante de Gadis, Ana Lago, Anton Orosa, director do IES Monelos e os membros do xurado do 16º Concurso de Fotografía Xurxo Lobato, convocado pola Aso-ciación de Amigos do Instituto de Monelos (A Coruña). Xosé A. Fraga Vázquez, presi-dente da Asociación de Amigos do Instituto Monelos, na que actúa como Secretario do xurado, Xoan Antón Pérez Lema e Marcos Sánchez, Rosario Sarmiento, Xosé Díaz, e Xurxo Lobato . Tralo visionado dos traballos presentados, realízase un debate e diversas votacións entre os membros do Xurado e decídese por unanimidade conceder o primeiro premio do 16º Concurso de fotografia Xurxo Lobato ao fotógrafo Anton Freire Barcia, alumno da EISV, Escola de Imaxe e Son de Vigo, pola súas fotografías “Movimiento y siluetas”. O xurado apreciou as destacadas cualidades desta serie de tres fotografías, posuidoras dunha estética que recolle a mellor tradición da fotografía das vangardas históricas pero resoltas nun contexto de modernidade onde a brillante estrutura formal e cromática des-vela a incapacidade comunicativa, a soedade e as dificultades identitarias da sociedade actual. SEGUNDO PREMIO Samuel Giráldez Barros, coas fotografías: “Córnea de glicerina”, “El lado oscuro de la fal-sa luna” e “Jabón en cuarto menguante”. Alumno de EISV de Vigo. O xurado destacou a capacidade onírica e ilusoria, mercé a unha estética relucente e unha técnica notable, onde unhas pompas de xabón conseguen transportarnos a poéticos espazos siderais. TERCEIRO PREMIO Frank Gonzalez, coas fotografías “Picking a room”, “Hotel Fantasy” e “Outdoor”. Alumno de IES Audiovisual de Vigo. O xurado valorou estas fotografías por estar dotadas dunha sobresaínte capacidade escénica onde o elemento dramático se funde cunha suxerinte e atractiva estética. BOLSA Xurxo Lobato: Nerea Pose Leis, do IES Monelos ACCESIT 1º Diego Lorenzo. EISV, 20 años “Manos” 2º Luis Mosquera. EASD Pablo Picasso, 19 anos, “foto 2” 3º Marcos Besteiro. IES Monelos, 17 anos, “So na luz so na sombra” 4º Diana Shevchenko. IES Fernando Wirtz, 19 anos, “Augas profundas” 5º Aurora Lorda. EISV, 19 anos,“Fermosas feridas” 6º Ana Cristina Grigore. IES Monte da Vila de O Grove, 17 anos, “Déjalas salir”, “Rendi-da”, “Heridas abiertas” FINALISTAS Mención especial por ser o finalista mais novo : Cibrán Piñeiro Martínez. IES Poeta Añon de Outes, 12 anos, “Muralla de Lugo”. Martín Hermida. IES Eusebio da Guarda, 17 anos, “Hogar”. Laura Romero. IES Canido, 14 anos, “Flores,love” e “Margaritas Lula”. Nera Pose. IES Monelos, 16 anos, “Homenaje a Magritte”. Noa Fernandez. IES Monelos, 16 anos, “Música como poesía”. Alicia Centrón. IES Audiovisual de Vigo, 21 anos, “Venceremos nos”. Gemechis Antas Criado CEE O Pedroso, 15 anos, “A través dos seus ollos”. Anxo Padín Oubiña. EASD Pablo Picasso, 20 anos, “foto 03”. Camila del Pino. IES Isaac Díaz Pardo de Sada, 15 anos, “Noche bajo lluvia”. Sandra Serén. IES Audiovisual de Vigo, 19 anos,“Os ollos non saben gardar secretos”. Hugo Carro. IES Francisco Aguiar de Betanzos, “sin titulo”. Iván Fernández. IES Monelos , 16 anos, “Pasion adolescente 3”. Ander Asteinza García. IES Fraga do Eume de Pontedeume, 15 anos, “Agarimo epide-mial”. Andrea Louro Vázquez. IES Ordes, 18 anos, “Ollo de pedra”. Andrea Ríos Rodríguez. EASD Pablo Picasso, 20 anos, “foto 1”. Antía Lorenzo Real. IES Canido, 15 anos, “Pétalos”. José Antonio Martinez Vicente. EISV de Vigo, “Shine”. Aitana Ramallo. IES Monelos, “sen título”. Daniel Mayo Leis. IES Poeta Añón de Outes, “Beatus elle, ventajas de una vida tranqui-la”. Iago Díaz Lamas. Colegio Marista Cristo Rey, “Tarabela”. Yael Ares Buján. IES Monelos 16 años, “Volvoretas”. Noela Hermida Martínez. IES Adormideras, 16 años, “Atardecer”. Elena Precedo Prado. IES Monelos, “A maza fantasma”. Nerea Álvarez Cambra. EISV, 19 anos, “Eterna mocidade”. Diploma especial por ser o instituto con máis participantes: IES Poeta Añón de Outes. O xurado quere agradecer ao concello da Coruña e a Gadis o seu xeneroso apoio que fai posible o concurso. O Xurado congratúlase pola cualidade dos orixinais presentados e a elevada participa-ción, procedentes de numerosos centros escolares de toda Galicia, a pesares do momen-to que estamos a vivir.

Presentación do libro “A colección fraseolóxica de Vicente Risco”. 27-04-2021

O vindeiro martes, 27 de abril, ás 17:30 horas, terá lugar a presentación do libro “A colección fraseolóxica de Vicente Risco”, editado por Xosé María Gómez Clemente. No acto participarán, ademais do editor, Luís Martínez-Risco (Fundación Vicente Risco), a profesora e escritora Camiño Noia, Francisco Castro, director xeral de Editorial Galaxia e Manuel Vilar, director do Museo do Pobo Galego.