III Certame de Fotografía FotoRAPA10

24-03-2011 - 30-04-2011

O Museo do Pobo Galego, en colaboración coa Concellería de Medio rural e Turismo da Estrada e a Asociación Rapa das Bestas de San Lourenzo de Sabucedo, presenta os traballos seleccionados no III Concurso Internacional de Fotografía “Rapa das Bestas”, celebrado o pasado outono.

O xurado, integrado por José Navia, Nieves Loperena e Carlos Puga, acordou por unanimidade declarar o premio deserto. Porén, entre os vinte e tres traballos admitidos a concurso, consideráronse merecentes de mención de recoñecemento varias series e fotografías singulares presentes na mostra. 

Xosé Neira Vilas refire como, en Sabucedo, o cabalo é un animal próximo, tanxible. As greas que viven no monte participan unha vez ao ano na Festa da Rapa, na que admiramos as bestas, que é como se se humanizasen entre tanta xente, e os aloitadores que se enfrontan a elas coma nun xogo de forza e destreza. O espectáculo adquire unha plasticidade singular, por iso resulta tan atractivo non só para os espectadores senón para os fotógrafos. Ten o encanto de que

 se trata dunha loita corpo a corpo entre o ho

me e a besta. E aínda que se resiste, de pronto o cabalo dá a impresión de que é cómplice de todo aquilo, que participa na festa.