Revista ADRA

ADRA revista dos socios e socias do Museo do Pobo Galego é unha publicación anual que naceu para ser un vieiro de comunicación entre as persoas asociadas, unha achega á consolidación do Museo do Pobo Galego como referente cultural para toda a cidadanía galega.

Nesta ocasión adica un monográfico dirixido a poñer en evidencia a realidade das mulleres na contorna de ámbitos tan diferentes como son os da prehistoria, a emigración, a sexualidade, o rural, a saúde mental, a literatura, o baile, as artes plásticas ou os museos. Os distintos artigos abórdanse desde a investigación documental e a análise rigorosa das distintas problemáticas relacionadas co tema de xénero.

Así mesmo a revista deseñou unha fórmula de participación en rede co fin de achegar a publicación ao máximo número de iniciativas posibles. Así cada número conta con patrocinadores que contribúen coas súas achegas e ánimos a que esta revista sexa cada ano unha realidade.