Olga Gallego na vangarda (1923-2023): novos retos para os arquivos é o título desta quinta xornada organizada pola Fundación Olga Gallego que se terá lugar no Museo do Pobo Galego o xoves 23 e o venres 24 de novembro.
No ano en que se fan 100 anos do nacemento de Olga Gallego, a fundación quere conectar co espírito vangardista da arquiveira, docente e historiadora cos novos retos que os profesionais e a sociedade en xeral debemos afrontar nos próximos anos como son a Inteligencia Artificial, unha nova conceptualización dos arquivos máis inclusiva, os arquivos e as mulleres ou os arquivos e a memoria democrática.
O programa contará coa participación do especialista de prestixio internacional Geoffrey Yeo, así como doutras persoas expertas como Amparo Alonso, da Universidade da Coruña ou Lluís-Esteve Casellas, do Archivo Municipal de Gerona.
O programa ao completo pode consultarse aquí.
A inscrición debe realizarse de antemán nesta ligazón.
![Son[Em]peza](/sites/default/files/styles/ilustres_600x350/public/eventos/SonEmpeza.png?itok=aFqHSltg)
