O martes, 9 de decembro, ás 19 horas, presentarase no Auditorio do Museo o libro Un paseo ilustrado por Santiago de Compostela. Unha publicación do Consorcio de Santiago con ilustracións de José Baqueiro Canabal e textos da historiadora Elena Iglesias Durán.
Trátase dun paseo ilustrado con 50 acuarelas de espazos emblemáticos da cidade. Unha ruta pictórica que conduce a unha peregrinación pola améndoa compostelá, fuxindo de perspectivas aéreas e situándonos ao pé dos edificios.
