Esta mostra encádrase no marco da 17ª Mostra Internacional de Cinema Etnográfico (MICE).

Estas imaxes son parte do extenso fondo de fotografías realizadas polo folclorista e antropólogo GUSTAV HENNINGSEN (Slagelse, Dinamarca, 1934) entre os anos 1965 e 1968. Durante estes tres anos percorreu vilas e aldeas galegas coa súa muller MARISA REY (Madrid, 1936), recompilando unha valiosa documentación fotográfica e oral na que as mulleres teñen un grande protagonismo. 

A exposición inclúe fragmentos sonoros das recollas “Fía en Pazo de Ardemil” (1966) e “Gravacións da tasca en Onteiro” (1965) que forman parte do Fondo Henningsen do APOI – Museo do Pobo Galego.